التحرش.
بقلم الشاعر / عمر بنحيدى
*********************
فين هي الكرامة؟
الواقع عامر دراما.
شحال من شابة زوينة
تلبس القفطان والدفينة
قررت تستقل
قالت نخدم ف معمل
غير شافها الشاف
والباطرون الشارف
حوالو عبنيهم
وتشل تفكيرهم
هما يا حسرة صحاب العقل
كل واحد من جهتو عليها ايتبسل.
شرطو علبها تقبل
والا تغادر بلا ماتعطل.
♡ ♤
"""أنا شاطرة وقارية
دفعت الاوراق
عيطو علي بلا زواق
كان مكتب مشهور عالمي
استقبال حار خصص لي سي المحامي
نبدا الخدمة في السرويا
وما نرجع حتى العشية
بعد ايامات بدا لي استلطف
بلا ما يحشم ولا يتعفف
قلت لو انا أسيدي عندي كرامة
جاوبني .فقي على ااسلامة!
هاذ الكلمة غير منامة
مني شفتو كيتكلم بطاي طاي
خرجت بلاا نقول لو باي باي.
بنت عمي
زادت همي
في الجامعة يا حسرة
مكان العقول الوعرة
باقي اللي اعط النقطة
مقابل الزعطة
الى الطالبة رفضت
في قسمها بقت اوطردت.""
هذا نمودج من الحكرة
اللي يوميا تتعرض ليه المرا .
عمر بنحيدي 19/12/2017
ليست هناك تعليقات:
إرسال تعليق