مرحبا بكم.
بقلم الشاعر / عمر بنحيدى
*********************
كان معاي حبيبي
تلاقيتو تشافى قليبي
دار يديه ف يديا
تفاجا الغم اللي فيا
قلبي يفدفد فرحان
يغني ويبدع ألحان
كان ملقانا ف الجردا
تم كانت لينا كعدة (g)
الفراشات بالوان زاهية
تحوم على الوردة الغالية
و الطيور تغرد باللحن البديع
وحنا نستمتعو بمناظر الربيع.
طايرين ف السما
نحلقو على جناح النغمة
عاهدتها ف العلالي
باللي غيرها ما يحلالي
بالنقط على الحروف
زال منها كل الخوف
تافقنا على الاسبوع الجاي
ف دارهم نشربو الشاي
نخطبها. نطلب يدها.
بعاطفة دافقة
كانت موافقة
اللي طلباتو نعطيه
اللي شرطاتو موافق عليه
العائلة فرحات
الوالدة زغرتات
دعاوي الخير ترفعات
و العرس الاسبوع الماجي
مرحبا بكم . كولشي يجي
.
عمر بنحيدي 17 /12/2017
ليست هناك تعليقات:
إرسال تعليق