خدعونا صغارا وقالوا....

خدعونا صغارا وقالوا....

 لقلم الشاعر سيد الحلوانى

*******************

خدعونا صغارا وقالوا....
حبك يا وطن على...
الجبين مكتوب ...
وكبرنا ياوطن ....
ما شفنا منك ....
غير كل العيوب ....
في الفقر عشنا ....
وكان صبرنا ...
فاق صبر أيوب ....
لا احنا اغتنينا ...
ولا عاجبك فقرنا ...
ولا انت صلحت العيوب ....
يا مصري ارفع راسك ...
رفعتها ضربوني بالمركوب...
علشان اعيش يبقى ...
امشي جنب الحيط ...
وهو ده المطلوب ....
ولو طلبت حقي ...
اعيش حرا يقال ...
عني مجرم ....
وللعداله مطلوب ....
يا وطن جمالك فاق ....
الوصف لكن ثوبك ....
كله ثقوب....!!!