------------ملعون اللى كره نبضك------------
بقلم الشاعر على فياض البلصفورى
*****************************************
ملعون اللى كره نبضك كره حبك
وما أفتكر يوم أنه عشقك
وداب فى شوقك ورسم حلمه على كفك
وقال أه من هجرك قاسيه يا دنيا وزايد صدك
ملعون اللى كره نبضك كره حبك
شوف عيونك ليه بتشكى ولا أنتا عشقت بعدك
الحب مش كلمه تقولها دا أحساس بيسكن كل كيانك
ويسير مع دمك يا من كنت حبيبى فى شريانك
ملعون اللى كره نبضك كره حبك
أرحل وأعلن رحيلك وكفايه من قسوه قلبك
خليت الحب يبكى وينسى أنه فى يوم عرفك
أبكى كمان وكمان ما خلاص الحب مات وزايد عنادك
ملعون اللى كره نبضك كره حبك
الشاعر/ على فياض البلصفورى
قطرات الندى
ليست هناك تعليقات:
إرسال تعليق