نفسي ارجع جنين ياامه
بقلم الشاعر / جنرال مصطفى سبتة
******************************
الف سلامة يا قلب امك
دا انت حته من حشايا
يارب ترجع للقوليب
اللى تعبان معايا
قلبى مشتاق للقوالة
سامحينى يا امه
يا اللى كلك كنت ليا
واللى انا فى بعدك حكاية
وحشانى يا امه كل حاجة
هات يا امه شيلى يا امه
اوعى تنسى تغسليلى
اوعاك يا امه تمطوحينى
انا نفسى يا امه فى الصوانى
والمحاشى عارفة يا امه
حتى الميه من ايدك
ليها طعم تانى فعلا
ولا شايك اللى عمرك
ما عرفتى تظبطية
نفسى فيه بجدمنك
هات ايدك ابوسها يا امه
واعتذر لك يأجمل أم
على كل كلمة لأه يا امه
او كلمة طبيخك كله مالح
او يا امه الملح فين ودتيه
انتى يا اما طبيخك عادم
يا اما تملحيه طاب كوليه
سامحينى يا اغلى الحبايب
ملحية او عدميه
ابنك دلوقتى جزات لدلعه
مش لقيهنفسى فيكى
عارفة يا امه مشتاقلك ابنك
افتحى حضنك خديه
محتاج لضمة بالله عليكى
ما تحرميه يااغلي ام
انا بعد ما طولت نفسى ارجع
جنين فى الحشاتانى
لملمينى نفسى فيكى
يا حبيبتي صدقينى
والله ما عرفت بقيمتك
الا لما بعدت عنك
اغفرى لى واعذرينى
ما انتى اللى دلعتينى
استحملينى وهننيني
نفسى فيكى وحشانى موت
افتحى حضنك خدينى
بقلم مصطفى سبتة
ليست هناك تعليقات:
إرسال تعليق