قلنا في الجزائر حضرت الحكومه كلها، اما في تونس فقد حضر الشعب كله ، في محفل ضخم للاستماع لثنائي الوطنية والعروبه نجم وامام ،
فبعد الجزائر يا احباب ، راحوا تونس، وفي تونس
خصصت ليهم بلدية تونس قاعه كبيره ليغنوا فيها، تمام كده
انما الشعب في تونس رفض ، وخرج مظاهرات عارمة لم تتوقف الا بعد ان وافقت البلديه علي ان يغنوا في الملعب الرئيسي ف تونس العاصمه
شوفوا انتوا بقي يا احباب حضر اد ايه من الشعب في الملعب ،
فالمدرجات كانت مليانه كلها عن اخرها بالناس ، وارض الملعب الاخضر كمان ترش الملح فيه ما يوصلش الارض من كتر الناس
وغني امام عن السادات ولكل من جاء بعده ، وليومنا هذا، غني :
شيد قصورك ع المزارع من كدنا وعمل ايدينا
الخمارات جنب المصانع والسجن مطرح الجنينه
واطلق كلابك ف الشوارع واقفل زنازينك علينا
ثم تلي نجم اغنية هزار الي زوجته عزه :
عزوز النوزك والنوز
مناخيرك مش اد الكوز
دايما تتشاكل مع نجمك
مع انه يمكن ويجوز
في المره الجايه ح يلبك
علي ام دماغك بالشوز
حتبلضم ، ح يلبك تاني
ح تكشر وحتبقي عبوس
ماتهونش عليا يا روح قلبي
انا اصلي متيم وعجوز
وباحبك اكتر من روحي
وباعزك اكتر ما تعوز
لم يتقبل نجم وامام يوما بيئة الفساد التي صنعها السادات و تعيش فيه مصر للان
وفي انتفاضة الخبز والتي سماها الفاسادات انتفاضة الحراميه خرج الشعب كله وكنت بالمصادفة امام مجلس الشعب فجلسنا علي الارض نضرب بايدينا الاسفلت ونغني
يشربوا خمره وياكلوا فراخ والشعب من الجوع اهو داخ
فقال للفاسدين :
شيلني واشيلك ما نا برضو فرحت لك
وانا بتاعك يا بيه واعرف ، ماعرفشي ليه
وغني للشعب اوجاعه والامه واحلامه وانتصاراته ودعا الي الثورة قائلا :
ملعون ابوك يا نوم
بعد الشرف ما انداس
ملعون ابوك يا خوف
بعد الوطن ما احتاس
كما غني لام كلثوم قصيدة كلب الست
في الزمالك من سنين
وف حمي النيل القديم
قصر ، من عصر اليمين
ملك واحده من الحريم
ست فاقت ع الرجال
في المقام والاحترام
صيت، وشهره، وتل مال ،
يعني في غاية التمام
احبابي انا انا اعتذرت للست ثومه عن الطقطوقه دي 209
واعتذرت للزعيم عبد الناصر عن الطقطوقة السابقه 208
نعم نعم يا احباب ، انا اعتذرت لهما بكتابة 33 طقطوقة عنهما عن ام كلثوم وعبد الناصر
هذا ما تيسر قوله
فســـــلام ٌ عليكم ، وســــلام ٌ لكم ، ودمتم ســــالمين
د. احمد زكي
المنصــــورة الجميله ، مصــــر المحروســــة
يوم الجمعة 2 فبراير 2018
يا احباب... من فضلكم
انا لا اكتب لكم الطقاطيق ... بل اغنيها لحضراتكم
نعم انا اغني لكم الطقاطيق
انا اغني للبعيد والقريب … فأطرب الكركي والعندليب
الكركي اكبر الطيور … والعندليب اجمل عصفور
………
طقطوقة حقيقية كتبها المبدع احمد فؤاد نجم عن كلب الست ام كلثوم
في الزمالك من سنين وفي حمي النيل القديم قصر من عصر اليمين ملك واحده م الحريم
صوتها اكتر م الاذان يسمعوه المسلمين والهنود والمنبوذين والتتر والتركمان
ست فاقت ع الرجال في المقام والاحترام صيت وشهرة وتل مال يعني في غاية التمام
قصره يعني هيا كلمة ليها كلمه ف الحكومة بس ربك لاجل حكمة قام حرمها م الامومة
والامومه طبع ثابت جوه حوا من زمان تعمل ابه الست جابت فوكس رومي له ودان
فوكس دا عقبال املتك عنده دستة خدامين يعني مش موجود ف عيلتك شخص زيه يا اسماعين
واسماعين دا يبقي واحد م الجماعه التعبانين اللي داخو ف المعاهد والمدارس من سنين
حب يعمل واد فكاكه ويمشي حبه ف الزمالك والايامه والفتاكة يرموا طبعا ع المهالك
عم سومعه من قيامته حب يعمل فيها فِله بعد ما الوظ بيجامته اشتري حتة مجله
قول مشي بيقرا ف حكايه من حكايات الغرام واندماجه ف القرايه خللي مشيه مش تمام
ع اليمين يحدف بعيد خطوتين ويروح شمال لمحه فوكس من الحديد قال دا صيد سهل وحلال
هوب نط ف كرشه دوغري جاب بيجامته لحد ديلها اسماعيل بدال ما يجري اه يا رجلي رجلي مالها
بص شاف الدم سايل من عاليها ومن واطيها وياللي جاي وياللي رايح المجلة مش لاقيها
حبه واتلموا الظنايا اللي هما البوابين والهكاية والروايه قالهم دا كلب مين
كلب مين ما كلب منشي سومعه لبخ حبتين قاله واحد فيهم امشي اللي جابك إنده مين
....... استضافه الحجز جمعه يا سلام ادي العزايم
هيا يمكن ساعه واحده كان ف مكتب النيابه
قاله مالك يا اسماعين قاله زي البمب مالي قاله عضك فوكس فين قاله سيبني اروح لحالي
انت شوف سي فوكس يمكن خد تسمم غصب عني الوكيل قال برضه ممكن والشاويش قعد يغني
انت فين والكلب فين انت قده يا اسماعين طب دا كلب الست يابني وانت تطلع ابن مين
هيص يا كلب الست هيص لك مقامك ف البوليس بكره تتولف حكومة للكلاب ياخدوك رئيس
عض خلق الله وقطع جسمهم واجري وبرطع اسماعين وزفت مين انت عند الدولة انفع
