بحبك اه ما بانكرشى
بقلم الشاعر / عبد العليم الصادق
***************************
انا عاشق وباهواكى انا دايب
وفيكى انا ماسك ومش سايب
وفى رحابك انا تايب
بحبك اه ما بانكرشى
وادوب فى هواك وما اقولشى
لكن فنان
وفى ايدى فرشى والالوان
وعلى جبين القمر راسم ضيا عينك
ولون شعرك بلون الليل
تغنيلى واقول مواويل
بحبك اه مابانكرشى
يا خاطفة القلب من نظرة
وعاملة ناسية مش فاكرة
وانا دايب واقولهالك انا انسان
عشقت فيكى الحب والتوهة
عايش ليكى عايش فيكى
واحبك من زمان لزمان
بحبك اه ما بانكرشى
اوعدينى لو تهت منك تلاقينى
ولو خدنى الزمان
تضمينى ..وترقينى
وتملسى على شعرى
وفى حضنك تخبينى
واوعى يوم تنسينى
ده انا عاشق انا تايب
انا انسان..انا فنان
وبحبك اه ما بانكرشى
اوعى فى يوم تزعلى منى
انا فنان وساعات باضيع منى
لحنت فى عيونك اغانى
وعزفت على وترك امانى
يا خاطفة القلب من نظرة
بحبك من زمان لزمان
بحبك اه ما بانكرشى
وادوب فى هواكى كمان
ليست هناك تعليقات:
إرسال تعليق