كل ما أقول أنساك
بقلم الشاعر / طه الروبى
**********************
كل ما أقول أنساك
قلبي يعاند فيا
ولاقيني ليك مشدود
وصورتك تيجى فى
عنيا
وحاسس سعادتي معاك
فى ايامي إللى جايا
كل ما أقول أنساك
تحضر صورتك فى
عيني
وقلبي يقول بهواه
وطيف منك يجينى
ويصحى الهيام فيا
ولا قيني ليك مشدود
وكل الذكريات بتعود
وترجع من جديد ليا
وأعيش أحداثها من تانى
وتصحي فى وجدانى
بركان حنية
وأفضل أقول طب ليه
مشاعرنا تبقى مخفية
دى حقوق ولينا مشروعة
ليه عنا ممنوعة
ويصحى دمعى فى عنيا
وعلى خدى يكون سايل
وعلى قلبى اتحايل
وهو يعاند فيا
كل ما أقول أنساك
قلبى يعاند فيا
من إبداعات
الشاعر
طه الروبى
ليست هناك تعليقات:
إرسال تعليق