(رضاها من رضا الرحمن)...
بقلم الشاعر / احمد العدل
***************************************
ولادي دنيتي عمري
في نن العين شايلاهم
أربيهم وأكبرهم
ويكبر عمري وياهم
أسعد لما بلقاهم
عناية الله بترعاهم
يارب أعيش وانولها
تفرحني كدا معاهم
بيملوا علي أيامي
حتي في نومي سمعاهم
وبافرح من صميم قلبي
طول ما عينيه شيفاهم
ابن:
أنا عايش علي حبك
وبرضع من سنين عمرك
وقولة الآه تنسيكي
حلا الدنيا يزيد وجدك
أنا بارتاح علي نبضك
في دقاته جمال لحنك
ياست الكل مين زيك
ومين يقدر يشيل همك
ابن:
وآه من دنيا تحلالي
وأنا نايم علي همسك
وآه من جمال قلبك
ورقة ضمتي في حضنك
وويايا يطول صبرك
ما هو دمي من دمك
ياعمري ودنيتي بيكي
ننول الجنة من ربك
ابن:
ومن غيرك رضاها
من رضا الرحمن
حنانك هو دامرايتي
وصوتك هولي أدان
يكفيني هوي روحك
يخليني أعيش في أمان
رب الكون ذكرفضلك
واختارك من بني الإنسان
ابن:
أمي دا احنامن غيرك
أكون تايه حزين حيران
في قلبك حب رباني
يا أجمل وردة في البستان
حماكي الله ورعاكي
يانبع بيعطي نور وحنان
لكل الناس توصيني
وتخص الأهل والجيران
ابن:
كنت أنام وألاقي ايديها
تمسح لي علي جسمي
تداويني وترقيني تغني لي
تحسسني بجمال اسمي
ولما أتأخر في مدرستي
يغيب النور من شمسي
ابات الليل في أحضانها
وتشغلني بحدوتة تونسني
المجموعة:
يارب الكون تحميها
وخد من عمري واعطيها
وتسعدها بسعادتنا
دا إحنا كل من ليها
أمي هي فرحتنا
لما نكون حواليها
دي جنتنا ودنيتنا
يارب الناس ترضيها
(أحمد العدل)
ليست هناك تعليقات:
إرسال تعليق