القلب مات واتدفن
بقلم الشاعر جنرال مصطفى سبتة
***************************
لو كان بإيدي يارب
أتحول كمانجة ..
لو كنت أغنية
يارب أو رواية
لو كنت ممكن أكون
جنينة أو مطر
كنت هعرف أعبر
أكتر عن مشاعري
يعمل إيه دلوقتي شعري
لو حاولت أكتب
قصيدة عنها
أنت يارب خلقتها
وأدتني شعر مكفهاش
إزاي أقابل زيها ومكتبلهاش
أدي حكمتك
دلوقتي وانا واقف هنا
ف مكان بسيط يشبهلها
مستني أي بداية تنفع عنها
نزلت قاعد من ساعات
نزلت غرقان ف السكات
بشرب ف شاي ومسكنات
وبكتب كلام وبشخبطه
أدي اللي قضى طول
حياته بدون حوادث
جاتله واحدة تخبطه
وتلخبطه وتفنطه
ويرجع جديد
وانا مش حديد
يارب .. العدل
أضعف من قلوب الأمهات
أنا بيت مقفل بس كلي بلكونات
أنت يارب خلقتها شجرة
وخلقتني محتاج لضل وأمنيات
بقلم مصطفى سبتة
ليست هناك تعليقات:
إرسال تعليق