لو شوفتي بكره ...
بقلم الشاعر/ عادل عبد الرازق
******************************
أمانة يا سكّة سنيني
لو شوفتي بكره تندهيني
عابر سبيل عالبيبان
بين شوارع ومفارق وحيطان
وبادوّر ومن زمان
على بكره وعلى العنوان
والضلمة مانعاني وبتداريني
أمانة يا سكّة سنيني
لو شوفتي بكره تندهيني
فارد إيديّا عالمدا
مستني طيفه لو بدا
أصرخ بصوتي والصدا
يا بكره أنا طفلك
من صغري وباندهلك
إمتى بقى إنت تناديني
أمانة يا سكّة سنيني
لو شوفتي بكره تندهيني
بقلمي - عادل عبد الرازق
-----------------------
*******
ليست هناك تعليقات:
إرسال تعليق