انا وعروستى
بقلم الشاعر جنرال مصطفى سبتة
****************************
أنا طفلة مولودة فى حيرة
وعروستى حلوة وصغيرة
رفيقتى يعنى فى كل مكان
فى لعبى دايما والأحلام
الاغيها برده تلاغينى
وتفهم كلامى من عينى
أسألها دايما تجاوبنى
واحضنها برده ولا تسيبنى
أكبر وتكبر كده معايا
وهواها فى القلب معايا
تساعدنى يعنى فى واجباتى
تونسنى بالحب لذاتى
براءتى ظاهرة ومعروفة
فى طفولة من الدرجة الأولى
أحلم معاها بمستقبل
نتيجته أرفض او أقبل
فى الدنيا لسه أنا جديدة
وأتمنى أفضل كده سعيدة
وعنيا سودا وسهرانة
تسأل بسرعة وحيرانة
أمى وأبويا يجاوبونى
واختى واخويا بيحمونى
وعروستى فى الوحدة صديقتى
أنيسة ليا وحبيبتى
تفرح لفرحى بكل سرور
وتزعل لزعلى فى ضلمة ونور
بكره سؤالى ايه حيكون
ليا وعروستى فى قلب الكون
ياريت فى عاقل او مجنون
يجاوبنى يعنى بقلب حنون
بقلم مصطفى سبتة
ليست هناك تعليقات:
إرسال تعليق