الفجر يعلن بدايه
بقلم الشاعر جنرال مصطفى سبتة
*****************************
لسه الامل فارد جناحه
اعدي بحور اليأس
وغيم السما مهما يطول
مايحجبش نور الشمس
لسه بكره بالفرحه جاي
والفجر يعلن بدايه...
لنهار ماليه الضي...
يكون للضلمه نهايه
وودع معاه الامس
لسه العيون عايشه
بتدور علي الضحكه
وسط القلوب فارشه
للفرحه كام سكه..
وتهمس للدنيا همس
لسه القلوب صافيه
من بكره مش خايفه
بمشاعر اكيد دافيه
لا يمكن تكون زايفه
بوجع البشر بتحس
أنا كده ودا طبعي
وهفضل تملي كده
لوالزمن جاب اللي عنده
برده هقول رضا
راضي باللي يجي
ومش هقول بس
بقلم مصطفى سبتة
ليست هناك تعليقات:
إرسال تعليق