مش ضعف مني ياروحي
بقلم الشاعر / جنرال مصطفى سبتة
********************************
علي فيـن يا قطـر الهــوي العشـق دوبنــا
مجــروح وقلبي انكــوي وهـواكـو عــذبنـا
رمــاني بــسهـم الهــوي قــاصــد مـلاعبنـا
نسيـت محطتنــا والـلا .. قــاصــد تلاعبنـا
حبيتـك عُمـري كُـله ومـا في عمـر بــاقي
بخـاف عليك بروحي ويهون عليك فـراقي
حبيبـي تغيـب عليــه ويحــرقـني اشتيــاقي
ودمـع عينـي يسـأل أمتي وفـيـن التـــلاقي
بحـب الحـلــم لمــا يـجمعنـي انــا وهيــه
نحلـــم ونعيــش حيــاتنـا في شـوق وحنيـه
طـريقنا جنـايــن ورد وقعـدتنـا علي المَيَّـه
وقهـوتنـا كاسـات الهـوي وذكــري منسيـه
يا بيــاعين الصبـر الصبـر مـا صبــرني
واللي قـريـــب منـي بـبـعـــاده يــلاوعـنـي
يـا بيـاعيـن الصبــر الصبــر اشتكـي منـي
ومـن حـبيـب غـايـب وغيـــابه مـحـيـرني
يا قـلبــه مـالك كــده موجــك بقي عـــالي
وانــا أسيـر الهــوي أشـكي لـميــن حـــالي
يـا اللي غـرامـك دوا طـالع لـي في العـالي
يـامَــه هـويــت كـلمتـي وعشقـت مـــوالي
يا جمالك كـل زهــرة فُـل حلــوه بتشبهك
في ابتسامتك وخـدودك حتي رِقة خطـوتك
شمسي وقمـري ونــور حيــاتي هيه دُنيتك
أمتي بقــا ســاعـة اللقــا متشـــوقه لجنتــك
ضحكة عنيـك ورقتــك دايمـا علي بـالي
وفُـل خــدودك وبسمتـك سـاكنه في خيـالي
مـع ذكــريــاتــك وطـيفــك اسهــر لـيـــالي
نـفسـي اضمــك واحكـيــلك ع اللي جرالي
بعتـرف إني غلطت وغلطة الشاطر بألف
غلطتي دمعك خدعني بعترف بكل ضعف
ولسه ع العهد باقي والألم عصفني عصف
مش ضعـف مني ده عشقي ليـك وبعتـرف
بقلم مصطفى سبتة
ليست هناك تعليقات:
إرسال تعليق