قصدك ايه
بقلم الشاعر / السيد حسن عتش
**************************
طاب عاندنى زى ماانت بس قوللى
قصدك ايه بالتقل ياللى
شفت فى طبعك اسيه
بس ف عنيك الحنين
هدى من طبعك شويه
قبل ما تفوت السنين
ياما مر كتير عليا
شكل تانى نهار وليل
ياما كان قدام عنيا
لكن انت شيئ جميل
طاب عاندنى زى ماانت بس قوللى
قصدك ايه بالتقل ياللى
ليه بعقلك بتحاسبنى
عاللى فات وتقول كلام
عمرى قبلك كان تاعبنى
ياما عشت كتير الام
عشت صابر كنت باحلم
بانتظر لحظة ميلاد
والنهارده لقيتك اعظم خلق عايش بين عباد
طاب عاندنى زى ماانت بس قوللى
قصدك ايه بالتقل ياللى
كلمه منى ليك بقولها
كلمه معناها ف اصولها
الحقيقه مش خيالها
ليه تغير بس حالها
يعنى مش ممكن حتبعد روحى عن روحك بعيد
حتى لو تتقل وتعند مستحيل حتعيش وحيد
طاب عاندنى زى ماانت بس قوللى
قصدك ايه بالتقل ياللى
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــ
كلمات الشاعر / السيد عتش ( الدمنهورى )
ليست هناك تعليقات:
إرسال تعليق